الأبرج الفكاهيةبرج الحمل [21(أذار-مارس-شوال) - 20(نيسان-أبريل-ذو القعدة)]
+ الأسبوع ده كله هتقضيه خناقات مع الناس، إعمل حسابك في فلوس عشان العلاج
- جوزك هيحب عليكي وبكل بجاحة هيقولك على كل حاجة، شدي حيلك
برج الثور [21(نيسان-أبريل-ذو القعدة) - 20(أيار-مايو-ذو الحجة)] .
+ مش معنى إن المدير مبسوط منك إنك تتمرع وتطلب إيد بنته، هتترفض وقفاك هيقمر عيش
- إيه معنى الحب طلاما مفيش حبيب، إتلهي وركزي في حاجة مفيدة
برج الجوزاء [21(أيار-مايو-ذو الحجة) - 21(حزيران-يونيو-محرم)] .
+ حذرتك قبل كدة من الجري ورا البنات ومسمعتش الكلام المرة دي لو مسمعتش الكلام هتاخد علقة حلوة
- لو جالك فارس أحلامك أول حاجة تطلبيها تكون العصمة في إيدك عشان هيطلع ندل
برج السرطان [22(حزيران-يونيو-محرم) - 22(تموز-يوليو-صفر)] .
+ حاول متصرفش فلوس كتير لأنك هتتزنق فيها قريب وبطل تبعت إس إم إس على قنوات الفيديو كليب
- خلصتي كل فلوسك على واحد مايستاهلش، إسمعي كلامي وسيبك منه، في كتاب طبيخ نزل السوق بيقولو عليه حلو
برج الأسد [23(تموز-يوليو-صفر) - 22(آب-أغسطس-ربيع1)] .
+ هتضرب خناقة جامدة مع أبوك لأنه هيقفشك وإنت بتسموك، ماهو لو كان رباك عدل مكانش حصل كدة
- أهلك هيكتشفو العلاقة اللي بينك وبين إبن الجيران، إلحقي ولعي في الجوابات بتاعته وبلاش تستنيه قدام الحضانة عشان الميس بتاعته هتشوفك
برج العذراء [23(آب-أغسطس-ربيع1) - 22(أيلول-سبتمبر-ربيع2)] .
+ يا أخي إنطق بقى دالحجر نطق، هتفضل ساكت لحد ماتروح منك، أنا حذرتك وماليش دعوة
- طبيخ كل يوم مش هينفع، إعملي حاجة جديدة، جربي تعملي نيو لوك للقطة بتاعتك مثلا
برج الميزان [23(أيلول-سبتمبر-ربيع2) - 22(تشرين1-أكتوبر-جمادى1)] .
+ هتخلص شغلك وتروح على بيتكو جرى في مفاجأة مستانياك في البيت مراتك عملالك محشي ورق عنب
- كل اللي فات كوم واللي جاي كوم تاني، لو مبتعرفيش تطبخي إتعلمي عشان هيجيلك ضيوف في البيت قريب
برج العقرب [23(تشرين1-أكتوبر-جمادى1) - 21(تشرين2-نوفمبر-جمادى2)] .
+ لسة الموضوع إياه محيرك، نصيحة مني سيبك منه ده موضوع مايستهلش، ماهو لو كان فيه خير مكانش رماه الطير
- جارتك بتعاكس جوزك وانتي مش دريانة، وحماتك مستحلفالك عشان مجبتلهاش الطلب اللي طلبته منك الإسبوع اللي فات
برج القوس [22(تشرين2-نوفمبر-جمادى2) - 20(كانون1-ديسمبر-رجب)] .
+ واحد صاحبك وعزيز عليك عايز يتجوز، بس مش عارف يطلب إيد العروسة الشمال وللا اليمين، وهيطلب مساعدتك
- الشتا عامل عمايله معاكي لا كريمات نافعة ولا زبدة كاكاو نافعة ولا أي حاجة نافعة، إشربي ليمون متلج
برج الجدي [20(كانون1-ديسمبر-رجب) - 19(كانون2-يناير-شعبان)] .
+ واحد قريبك من بعيد هيقابلك صدفة هيعرفك ومش هتعرفه هيعزمك عالغدا، روح معاه طبيخ مراته طبيخ مالأخر
- شغل البيت كتر ومش ملاحقة عليه، هاتي شغالة تساعدك بس جوزك هيحبها ويتجوزها عليكي ويشغلك عندها
برج الدلو [20(كانون2-يناير-شعبان) - 18(شباط-فبراير-رمضان)] .
+ إيه اللي جرالك ما كنت كويس، شكلك كدة واقع في مشكلة جامدة متقلقش المشكلة هتتنيل أكتر، إجمد وماتبقاش خرع
- يمكن خطيبك يسيبك، مش هيقولك السبب، بس السبب إنه بيحب عليكي، قوليلو إنك راضية، لو راح منك مش هتلاقي عرسان تاني
برج الحوت [19(شباط-فبراير-رمضان) - 20(أذار-مارس-شوال)] .
+ اليوم مش يومك نكد من الصبح لبليل، إجتنب أي حاجة
ليست هناك تعليقات:
إرسال تعليق